Знаеме дека богатото наследство од разновидни јазици и култури во Европа е скапоцен заед- нички ресурс што треба да се заштитува и да се развива, и дека само преку подобро знаење на странските јазици ќе биде можно да се олесни комуникацијата и интеракцијата. Затоа “Друштво за странски јазици и услуги Флуент Ќ.К.Т” е ангажирана со професионален кадар, со техничките помагала кои се на располагање: лап-топ, интернет, ТВ, проектор, и со стандардизиран методолошки пристап во учење и напредување на јазичните вештини. Учењето јазик, се состои од дејствата што ги извршуваат лица кои, како поединци и како општествени чинители, развиваат цел опсег на општи компетенции и конкретно, цел опсег на комуникациски јазични компетенции.

Како главна цел на ова програма е да се обезбеди можност за унапредување на јазичните и комуникациските вештини со интерактивен пристап, имајќи предвид дека Англискиот јазик станува еден од условите за конкурентноста на пазарот на труд.
Програмата ке биде поделена на модули, соответно на степенот на подготовка на учесниците, според Заедничката европска референтна рамка за јазици (CEFR), како што се:
А1 (подготвително рамниште), – може да води едноставен разговор, да одговара на едноставни прашања во врска со него, за тоа каде живее, за луѓето што ги познава и нештата што ги има, секојдневни активноски и сл,
А2 (основно рамниште), – може да пречека луѓе, да прашува и да реагира на нови вести; да размени кратки реченици; слободно време; да поканува и да одговара на покани;да дискутира; да нуди и да прифаќа понуди.
B1 (преодно рамниште), – може да следи главните мисли на една проширена дискусија, говороте јасно артикулиран , стандарден јазик; лични ставови и мислења, одржува разговор или дискусија, трговија и пазар, патувања и сл.

B2 (самостојно рамниште), -може да развие дискусија; може да го објасни своето гледиште за актуелно прашање; може да поврзе неколку аргументи во логична низа; може да објасни проблем и да стави до знаење дека неговиот соговорник во некои преговори мора да направи отстапка;може активно да се вклучи во неформална расправа во познат контекст C1 (напредно рамниште) – може да се изразува течно и спонтано, речиси без никаков напор; добро владее со богат лексички репертоар, што му овозможува евентуалните празнини вешто да ги заобиколи со преформулирање; деловна комуникација; патувања; и C2 (врвно рамниште) – може прецизно да пренесе разни нијанси на значења, користејќи, со прифатлива точност, широк распон на изрази со кои може поблиску да ги одреди своите изјави; може толку мазно да го преструктурира исказот за да заобиколи некоја тешкотија така што соговорникот едвај да може да забележи

На секој модул постепено ке биде пренесена и граматичката содржина, исто така предвидено е и развивање на јазичните вештини како: читање, пишување, говорење и слушање. Часовите ќе се одржуваат два пати неделно по 120 мин, вкупно 130 часа за еден модул во период од 8 месеци, поделено на два семестри по 4 месеци или 780 часа за целата програма.

За да се определи точното ниво на познавање на англискиот јазик за секој учесник, од страна на обучувачите ќе биде спроведено усмен и писмен тест. Откако ќе се одреди степенот на владеење на англискиот јазик, учесниците ќе бидат ставени во групи од 8-12 возрасни лица.

Учесниците кои ја следаат целосната програма или само одреден модул, на крај од обуката ќе се стекнат со Сертификат со наведен стекнат степен на познавање на англискиот јазик според Заедничката европска референтна рамка за јазици (CEFR), признат од надлежните институции и конкурентен на пазарот на трудот по веќе утврден стандард.