Програмата дава можност учесниците да се стекнат со знаења, вештини и компетенции за примена на информатичко компјутерска  опрема и нејзино  креативно  користење во работата. Програмата е со времетраење од 70 часа, и се состои од стручно теоретски содржини и практична примена на стекнатите знаења во современо опремен кабинет – училница, така што овозможува  учесниците во програмата да развијат способности за успешно ракување со компјутерско информатичката технологија  и опрема и користење на готови компјутерски програми . Со стекнување на овие вештини во иднина на учесниците ќе им овозможи успешен професионален развој во информатиката за користење на компјутерите и компјутерските програми ќе им овозможи и олеснување во процесот на работа и учење низ работата, како и нивно вклучување во процесот на новите предизвици на животот. Изборот на програмските подрачја и содржини кај учесниците ќе развие продлабочено логично расудување и ќе ги оспособи творечки да пристапуваат кон решавање на различни проблеми во реалноста.

По завршувањето на Програмата се полага завршен испит пред комисија со цел да се проверат стекнатите вештини и компетенции. По успешно завршената проверка учесниците се стекнуваат со сертификат за работна оспособеност Компјутерски вештини за административни работи