Програмата за Депилација на лице и тело – основен курс се состои од стручно-теоретска настава и практична обука. Стручно-теоретската настава се реализира во училница-кабинет ( опремен според правилнкот за стандардите за просторот и опрема.) , а практичната обука во козметички салон. Стручно-теоретските содржини ги реализира лекар со завршени медицински студии, а практичниот дел козметичар со искуство од оваа област и положен мајсторски испит.

При реализација на обуката се користат современи форми и методи, преку презентација, дискусии, и практични изведби со што кандидатите со успех ќе можат ефикасно да се оспособат за занимањето.

Основната цел на програмата е учесникот во програмата самостојно да извршува, подготвува и организира работи и работни задачи во козметички салон, рационално да употребува материјали и опрема , да комуницира со корисниците на услугите, да го подготвува клиентот и самостојно да ги извршува третманите за депилација на лице и тело.

Да гарантира за квалитетот на извршените работи и услуги, да ги применува мерките за заштита на здравјето на клиентите.

По завршувањето на програмата се полага завршен испит со што учесникот се здобива со сертификат.

Оценувањето се врши преку усна и писмена проверка и проверка на практична изведба.

Програмата е со времетраење од 130 часови или двомесечно времетраење.