Главна цел на програмата е учесникот да стекне знаења, вештини и компетенции за примена на основните техники при кроење на горни делови на обувки од кожа и кожена постава, како и правилно користење на опремата, инвентарот и материјалите на работното место.

Начинот на реализација на програмата е преку практична и теоретска обука и води до стекнување на сертификат “Кројач на горни делови на обувки од кожа”.

Времетраењето на програмата е 240 часа од кои 60 часа теоретска обука, 160 часа се практична обука во реални работни услови и 20 часа се наменети за оценувањето и евалуација на програмата. Теоретскиот дел од програмата ќе се изведува неколку пати неделно во договор со учесниците а практичниот дел ќе се изведува од понеделник до петок.

Теоретската обука се одвива во специјализирани простории согласно норматив за простор во СОУ„Димитар Мирасчиев“ Штип (училиште за едукација на кадри од текстилно-кожарска струка), од страна на обучувач, додека практичната обука во рамките на компанија. За време на која на учесниците ќе им биде доделен ментор вработен во компанијата.

Вреднувањето на постигнувањата на учесниците се спроведува по завршувањето на теоретскиот дел преку усна и писмена проверка на постигнатите знаење. По завршувањето на практичната обука стекнатите знаења, вештини и компетенции се проверуваат со завршен испит. Со положен завршен испит учесниците се стекнуваат со сертификат „Кројач на горни делови на обувки од кожа“.