Опис на програма
Програмата за Маникир,педикир – основен курс се темели на стандард на занимање кое се стекнува преку стручно-теоретска настава и практична обука. Стручно-теоретската настава се реализира во училница-кабинет ( опремен според правилникот за стандардите за просторот и опрема.) , а практичната обука во козметички салон. Стручно-теоретските содржини ги реализира лекар со завршени медицински студии, а практичниот дел козметичар со завршен мајсторски испит.
При реализација на обуката се користат современи форми и методи, преку презентација, дискусии, и практични изведби со што кандидатите со успех ќе можат ефикасно да се оспособат за занимањето.
Основната цел на програмата е учесникот во програмата самостојно да подготвува , извршува и организира работи и работни задачи во козметички салон, рационално да употребува материјали и опрема, да комуницира со корисниците на услугите и со соработниците, да го подготвува клиентот, самостојно да изведува третмани на раце и стопала.
Да ги советува клиентите, да гарантира за квалитетот на извршените работи и услуги, да ги применува мерките за заштита на здравјето на клиентите.
По завршувањето на програмата се полага завршен испит со што учесникот се здобива со сертификат Маникир,педикир – основен курс.
Оценувањето се врши преку усна и писмена проверка и проверка на практична изведба.
Програмата е со времетраење од 170 часови или двомесечно времетраење.
Резултати од програма
- Подготвува, организира и изведува работни задачи во работната средина.
- Спроведува дезинфекција и стерилизација во работната средина.
- Подготвува и идентификува соодветен алат, прибор и материјал за работа.
- Рационално ги употербува материјалите, опремата и времето.
- Прима и подготовува клиенти.
- Применува професионален однос и комуникација со клиенти, претпоставени и со соработници.
- Изведува класичен маникир, педикир, надградба на нокти, декорација на нокти.
- Гарантира за квалитетот на извршените работи и услуги и одговара за нив.
- Користи соодветни информациско-комуникациски средства.
Критериуми за влез во програмата
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 34 | 20 |
Пракса | 119 | 70 |
Оценување | 17 | 10 |
Вкупен број на часови | 170 |