Опис на програма
Главна цел на програмата е учесникот да стекне знаења, вештини и компетенции за давање на услуги од социјален аспект во институции или домашни услови на лица кои поради возраст, хронични болести и др. причини се во состојба на изнемоштеност и неможност да се грижат за себе.
Програмата развива знаења и вештини за давање на помош и нега во домашни услови организирана е во четири модули кои го овозможуваат кандидатот да биде во состојба да:
• Организира работа и работно место
• Помага во извршување на дневните активности
• Применува медицински принципи во дневните активности
• Спроведува правната заштита, психолошка и социјална помош
Начинот на реализација на програмата е преку практична и теоретска обука и води до стекнување на сертификат „ Негувател/ка на стари и немоќни лица“.
Времетраењето на програмата е 300 часа од кои 120 часа теоретска обука, 150 часа се практична обука во реални работни услови и 30 часа се наменети за оценувањето. Теоретскиот дел од програмата ќе се изведува во современо опремена училница. Вреднувањето на постигнувањата на учесниците се спроведува по завршувањето на теоретскиот дел преку проверка на знаење со цел споредба на знаењето пред и после теоретската обука, а по завршувањето на практичната обука следи и завршен испит преку кој ќе се дефинираат стекнатите вештини и компетенции. По успешно положен завршен испит учесниците се стекнуваат со сертификат „Негувател/ка на стари и немоќни лица“.
Резултати од програма
Критериуми за влез во програмата
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 120 | 40 |
Пракса | 150 | 50 |
Оценување | 30 | 10 |
Вкупен број на часови | 300 |