Примарната цел на програмата ‘Маникир и педикир – основно ниво’  е насочена кон стручно оспособување на ученикот во областа на козметичките услуги за маникир и педикир на осново ниво. Со помош на програмата, преку теореска и практична настава, учесникот ќе се запознае со организацијата на работа во козметичките салони, со работниот простор, опремата и инвентарот, за што се наменети приборите алатите и другите средства за работа и како истите  да се користат. Да научи да применува различни козметички постапки и процедури. Ќе се применува стручна терминологија и учениците ќе бидат запознаени со работните задачи, со правилата за безбедност и заштита при работа и здравје.

Теоретскиот дел ќе биде  реализиран од наставен кадар, согласно нормативот за наставен кадар за стручно образование, додека практичниот дел ќе биде рализиран од козметичар за маникир и педикир, соодветно и последователно.

Практичната обука е објективна и индивидуална, и врз основа на постигнатите резултати ќе се вреднуваат усно, писмено и од постигнатите цели на практичниот дел. За секој ученик ќе има посебно портфолио.

Обуката се одвива со времетраење од 3 месеци, односно 264 часови или 22 часови неделно. Од кои 65 часови или 25% теоретска настава, а 162 часови или 61% практична натава, 37 часови или 14% ќе бидат искористени за испитување и проверка на знаењето.

По завршувањето на 3 месечна обука се спроведува завршен испит, и по полагањето на истиот се стекнува со сертификат за „Маникир и педикир – основно ниво’’.