Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програма за Оператор за 3Д печатење на бетон е дизајнирана за обука за користење на софтверска алатка (CAD) за дизајнирање и мапирање на производ што се произведува/печати. Покрај познавањето на софтверите потребни за дизајнирање, моделирање и печатење на производите, програмата обезбедува и стекнување на знаења и вештини за следење на целиот процес на извршување на зададената задача при печатењето на бетонот. Програмата ќе овозможи навремена подготовка за процесот на производство, вградување и соодветна нега на новите видови бетони, како и запознавање со процесот на можното рециклирање и повторна употреба на бетонот.

Програмата ќе се реализира преку теоретски часови кои можат да се изведуваат преку онлајн настава или со физичко присуство на учесниците и практични часови преку кои учесниците ќе се стекнат со вештини за примена на софтверот за 3Д печатење на бетон и соодветна нега на новите видови бетони. Програмата е развиена врз основа на принципите на обуката за возрасни, со користење на методи и техники кои помагаат за развој на нови знаења и вештини.

Резултатите на постигнувањата на учесниците ќе бидат оценувани по завршувањето на секој модул, како и на крајот од процесот на обука и ќе се базираат на јасни поставени критериуми, кои гарантираат дека учесниците ќе ги стекнат потребните знаења, вештини и способности. Оценувањето за секој модул ќе се спроведе со комбинација на пишан, устен и практичен дел, со користење на портфолио на извршени задачи, евиденција од обучувачот за континуирано следење на работата на учесникот, Е-задача, Електронско портфолио, Е-тестови и други инструменти.

Клучно во обуката е активно учество во обуката на сите учесници. Процесот на обука ќе биде адаптиран согласно специфичните потреби на секој учесник. Со успешно завршување на програмата учесниците ќе се стекнат со сертификат за успешно завршена програма за Оператор за 3Д печатење на бетон.