Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата овозможува оспособување на кандидатите за Готвач -Угостител и истата е со  времетраење од 156 часа, од кои 31 час за теоретскиот и 125 часа за практичниот дел, опфаќа  стручно-теоретски предавања кои се реализираат во училница/кабинет и се во функција на вовед во практичната обука која ќе се изведува во опремена кујна  . Oбуката ја изведуваат предавачи со повеќегодишно искуство. Програмата за Готвач-угостител овозможува учесниците низ теоретска и практична настава да се запознаат со организација на работа во угостителските кујни, со организацијата на работниот простор, со заштита и безбедност при работа , со опремата и инвентарот – намена и начин на одржување, ќе се оспособат да ракуваат со опремата и инвентарот, ќе се запознаат со стручната терминологија, низ практични часови ќе научат самостојно да ги извршуваат работните задачи, да ги совладаат готварските вештини кои се однесуваат за подготовка на: супи, консоме, чорби, потажи, ладни предјадења ,топли предјадења, сосови и фондови, јадења од риба, готвени јадења, печења, јадења по порачка, јадења на скара, варива и гарнири, како и јадења од националната кујна. Во еден дел ќе биде опфатена  диеталната, вегетеријанската и безглутанската кујна. Во текот на обуката ќе  се посвети вниманије и на начинот како се сервира, аранжира и декорира јадењето. По успешно положениот завршен испит учесникот се стекнува со сертификат ГОТВАЧ ВО УГОСТИТЕЛСКИ ОБЈЕКТ.