Начинот на реализација на програмата е преку теоретска настава и практична обука. Програмата се реализира во простор опремен со нагледни средства за теоретскиот дел и козметички салони за практичниот дел. Во реализација на програмата  се применуваат современи наставни методи, кои ќе му овозможат на кандидатот континуирана активност за целокупното траење на обуката.

Оценувањето на постигањата на кандидатите ќе се врши преку следење и вреднување на знаењата и умеењата во текот на целата обука и на завршниот испит. За проверка на знаењата и вештините ќе се применуваат методите:  усно и писмено проверување, практична работа, портфолио од вежби. На крајот од обуката учесниците полагаат завршен испит и се стекнуваат со сертификат по верифицирана програма за Декоративен маникир. Услов за полагање на завршен испит е учесниците да ги поминат сите модули. За секој кандидат се води портфолио.

Времетраењето на програмата 120 часа од кои 30 часа теорија, 90 часа практична обука. Програмата е организирана во 4 модули. Модул 1. Основни познавања на занимањето. Модул 2. Анатомија и физиологија на кожа.  Модул 3. Класичен маникир. Модул 4. Техники на надградба и декорација на нокти.

Стручно-теоретскиот дел од посебната програма ќе го реализира наставен кадар со завршено високо образование, VII/1 степен студии по медицина или 240 ЕКТС. Практичниот дел од обуката: ќе го реализира козметичар, маникирист, со минимум 5 години работно искуство, со мајсторски испит.

Програмата нуди можност за напредување на повисоки нивоа-курсеви за декоративниот маникир (Напреден курс и Специјализиран курс).