Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Оваа програма има за цел да ги развие способностите на учесниците за начинот на примена на веќе постоечки шаблон во изработка на краен продукт, женска и машка кошула. Самата програмана опфаќа технолошка изработка на кошула, преку теоретски и практичен дел. Во теоретскиот дел кандидатот се оспособува да го реализира работниот налог, преку изработка на прототип (пробен модел) на кошула, како и подготовка на материјалот на кроење. Главната цел на оваа програма би била да го оспособи учесникот да крои по веќе постоечки шаблон, да шие и да врши доработка и меѓуфазни операции потребни за успешна реализација на крајниот продукт.

Начинот на реализација на програмата ќе се состои од неколку методи на учење:
Методи на учење:
– часови по теорија;
– практична демонстрација;
– индивидуални вежби;
– индивидуална и групна работа со наставникот.

Преку оваа програма учесникот треба да се стекне со сертификат за изучување на техниките за кроење и шиење на женска и машка кошула.

Oвој курс опфаќа четири модули:
– Технолошки процес на изработка на облека,
– Кроење на машка и женска кошула,
– Технолошки процес на шиење,
– Шиење на машка и женска кошула.

Програмата е предвидено да трае три месеци (240 часа) од кои :
– Предавање-теоретска настава 50 часови
– Вежби, практична настава, тимска работа 165 часови
– Проектна и самостојна задача 25 часови