Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програма за обука на Оператор на универзален струг.

Главна цел на програмата е кандидатот по спроведување на програмата да се стекне со знаења, вештини и компетенции за примена на основните техники при обработка на металите, како и правилно користење на опремата и инвентарот на машината универзален струг.

Со цел да се реализира програмата, кандидатот треба да ја помине обуката преку теоретски и практичен дел.

Времетраењето на програмата е 250 часа од кои 50 часа теоретска обука, 190 часа се практична обука во реални работни услови и 10 часа се наменети за оценувањето.

Теоретскиот дел од програмата ќе се изведува два пати неделно во договор со учесниците, а практичниот дел ќе се изведува од понеделник до петок. Теоретската обука ќе се одвива во просторија наменета за теоретска обука во рамки на административниот дел на компанијата, под менторство на Раководителот на машинскиот оддел.

Вреднувањето на постигнувањата на учесниците ќе се спроведува по завршување на теоретскиот дел преку проверка на постигнатото со цел споредба на знаењата пред и после теоретската обука, а по завршување и на практичната обука следи и завршен испит преку кој ќе се дефинираат стекнатите вештини и компетенции. По успешно положен завршен испит кандидатот се стекнува со сертификат.ho