Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата е насочена кон стекнување на вештини за работа како менаџмент консултант, преку осмислен процес на водење на циклусот на менаџмент консултантвото ( влез, дијагноза, анализа со препораки и акциски план за имплементација на препораките)

Секоја фаза од консултантскиот циклус  е поддржан со практични алатки за идентификување на потребата на клиентот, дијагноза на бизнисот, изработка на препораки и акциски план за спроведување на препораките, попратени теорија за латките,  вежба за нејзина примена и користење на резултатите од вежбата. Главна цел на програмата е учесникот да се стекне со знаења, вештини и компетенции за користење применливи консалтинг алатки за  подобрување на менаџментот на претпријатието за раст на продуктивноста, продажбата и профитот на претпријатието.

Времетраењето на програмата е  35 училишни часа.  Теоретска настава се состои од интерактивни методи за учење на возрасните. Наставната содржина е ориентирана според интелектуалните способности и потреби на учесниците. Практичната обука се состои од активности на  учесникот, организирани во тестови и вежби, презентација на успешни практики, индивидуална и групна работа и пополнување на обрасците за спроведување на менаџмент консалтинг циклус.

Вреднувањето на постигнувањата на учесниците се спроведува по завршување на теоретскиот, со писмен тест и завршен испит за практичниот  дел со усмевна презентација на изработениот акциски план за спроведување на препораки за подобрување на бизнисот. После положениот завршен испит учесникот се стекнува со сертификат за Вештини за менаџмент консалтинг циклус.