Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата за обука на сметководител овозможува стекнување на професионални квалификации, знаење и вештини кои се утврдени во модули и модуларни единици. Теоретскиот дел содржи модули со кои учесникот на обуката се стекнува со потребните теоретски знаења. Со практичниот дел од програмата се реализира практично учење заради стекнување со практични знаења. Основна цел на Програмата е усовршување, доквалификација или преквалификација на лица за вршење сметководствени услуги за задоволување на потребите на пазарот на трудот согласно потребата од страна на бизнис заедницата за истите.

Програмата за сметководител е наменета за лица кои сакаат или имаат потреба од стекнување на познавања од сметководственото работење, проширување на постоечки знаења и вештини или учење на нови, а заради полесно вклучување на пазарот на трудот. Програмата нуди тематски целини од сметководството како што се: применува и следи важечка законска регулатива и сметководствени политики и правила, врши почетна сметководствена евиденција, ликвидира влезни и излезни документи, изработува сметководствана документација. изготвува, зачувува и испорачува интерна и излезна документација. Учесникот пополнува соодветни финансиски инструменти, проверува точност, води соодветни книги и соодветно ја чува документацијата, врши пресметковни и готовински работи и тоа пресметува плата, врши пресметка и исплата на даноци, уплати и исплати, евидентира сметководствени настани врз основа на документи во деловни книги, учествува во изработка на финансиски извештаи, годишна сметка и финансиски планови.