Курс по англиски јазик со увежбување на четири вештини и тоа читање,слушање,зборување и пишување преку забавни лекции видео и аудио материјали со текстови и теми кои ги тераат и мотивираат учениците да сакаат да зборуваат. Преку оваа програма ќе научите течно да читате текстови, да ги преведувате истите, да разбирате сложени текстови, да пишувате писма формални и неформални,  секакви видови на есеи од различни теми кои се соодветни за возраста на ученикот, и да зборувате на многу теми кои се складни со возраста на ученикот. Ученикот ќе научи да поставува прашања, да одговори соодветно на слушан текст, да објаснува зборови да расправа со многу сложени реченици на дадена тема, да напише формално и неформално писмо, кратка приказна, искажување став и мислење, статија, извештај, есеј за и против, критика, CV, мотивационо писмо, статија за во весник или списание, да состави посложен диалог со дадени елементи, да знае да разменува информации итн.

Овој курс е наменет за лица кои имаат солидно познавање на јазикот, но чувствуваат дека тоа е недоволно за сложена употреба и комуникација. Покрај вежбите за читање, пишување и слушање, посебен акцент е ставен на конверзација. Од слушателите се бара активно учество во предавањата кое води до зголемена самодоверба во користење на јазикот. Се повторуваат досега изучените граматички правила и се изучувааат сложени глаголски форми (минато сегашно и идно време) и правопис во англискиот јазик, се вежбаат конверзациски техники, се збогатува  вокабуларот, се зголемува вашата самодоверба и се подигнува нивото на јазикот.

Наставната програма на OXFORD New English File е изработена од врвни јазични експерти и е наменета за возрасни. Учебникот изобилува со интересни теми и современи текстови од секојдневниот живот кои ги мотивираат слушателите, а работната тетратка нуди голем број на дополнителни вежби.

Оваа програма ги покрива сите четири вештини со фокус и на изговорот преку користење на многу ресурси како што се аудио и видео материјали, тестови и современи интерактивни  методи при примена на наставата. Секое ниво или степен е соодветен на возраста на ученикот и има карактеристики кои ги привлекуваат учениците лесно да го научат и совладаат материјалот кој е предвиден во програмата.