Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата „Геодупчач за изработка на истражни, хидрогреолошки, геотехнички и инекциони дупнатини“е наменета за обучување на стручен кадар.

После завршување на обуката, секој учесник ќе биде способен да:

Планира, подготвува, организира и извршува работни активности како геодупчач, со знаење и вештини да прави истражни, хидрогеолошки, геотехнички и инекциони дупнатини.

Времетраењето на Програмата е 288 часови. Обуката е организирана во еден модул, поделен во тематски целини. Обуката вклучува теоретски и практични часови преку кои учесниците ќе се стекнат со знаења и вештини за геодупчачи. Резултатите на постигнувањата на учесниците ќе бидат оценувани на крајот од процесот на обука и ќе се базираат на јасни поставени критериуми, кои гарантираат дека учесниците ги имаат потребните способности да работат како професионални ракувачи на дупчачка опрема – геодупчачи за изработка на истражни, хидрогеолошки, геотехнички и инекциони дупнатини. Оценувањето на крајот од обуката ќе се спроведе со комбинација на пишан, усен и практичен дел.

Со успешно завршување на Програмата учесниците ќе се стекнат со сертификат за геодупчач за изработка на истражни, хидрогеолошки, геотехнички и инекциони дупнатини.

Сертификатот ќе биде препознаен на пазарот на труд од компаниите кои работат во областа на градежништвото и геологијата. После ушешното завршување на Програмата сертифицираните учесници ќе може да се вработат во некоја од тие компании на работно место помошник мајстор на дупчачка гарнитура. После вработувањето и стекнување со работно искуство од минимум една година, лицето кој ќе покаже доволно познавања и искуство може да напредува во работна позиција како мајстор на дупчачка гарнитура.