Опис на програма
Заеднички модули (теорија+пракса):
- Принципи за заштита на растенијата (12 часа + 12 часа) = 24 часа
- Методи на интегрирана заштита на растенијата (18 часа + 6 часа) = 24 часа
- Здравје, безбедност и заштита при работа и заштита на
животна средина (12 часа + 6 часа) = 18 часа
- Легислативa и Добра земјоделска пракса (6 часа + 6 часа) = 12 часа
- Теренска работа (пракса 42 часа) = 42часа
* Технички модули:
- Заштита на поледелски култури (18 часа + 12 часа)
- Заштита на градинарски култури (18 часа + 12 часа)
- Заштита на виновата лоза (18 часа + 12 часа)
- Заштита на овошки (овошни култури) (18 часа + 12 часа)
Вкупно теоретски часови, практични часови и оценување (120 часа + 120 часа + 15 часа) = 255 часа
Начинот на реализација на програмата е преку практична и теоретска обука да им овозможи на учесниците да се стекнат со знаење од областа на заштита на растенијата и стекнување на сертификат ЗАШТИТАР НА ЗЕМЈОДЕЛСКИ КУЛТУРИ.
Времетраењето на програмата е 255 часа од кои 120 часа теоретска обука 120 часа се практична обука во реални работни услови и 15 часа за оценување. Покрај заедничките модули, секој учесник во обуката мора да избере најмалку еден технички модул. Теоретскиоти и практичниот дел од програмата ќе се изведува неколку пати неделно, однапред договорено со учесниците во програмата. Теоретската и практична обука ќе се врши во предавални, а теренската практична обука на посебни земјоделски површини.
Учесникот во обуката што ќе ги помине задолжителните модули и сите технички модули ќе има вкупно 255 часа обука и ќе добие сертификат Заштитар на земјоделски култури.
Учесникот во обуката што ќе ги помине задолжителните модули и еден од техничките модули ќе има вкупно 150 часа обука и во зависност од техничкиот модул ќе се стекне со еден од следните парцијални сертификати:
- Заштитар на поледелски култури
- Заштитар на градинарски култури
- Заштитар на винова лоза
- Заштитар на овошни култури
Вреднувањето на постигнувањата на учесниците се спроведува по завршувањето на секој модул преку усна и писмена проверка. При целосна реализација на сите модули проверката на знаење ќе се спроведе преку завршен испит со кој ќе се проверат стекнатите вештини и компетенции. На крајот од обуката, учесниците се стекнуваат или со парцијален сертификат (150 часа) или со целосен сертификат (255 часа) за работна оспособеност ЗАШТИТАР НА ЗЕМЈОДЕЛСКИ КУЛТУРИ.
Резултати од програма
- Ја планира агротехниката на површините;
- Ја познава легислативата и Добрата земјоделска пракса и нејзина имплементација;
- Ги објаснува активностите поврзани со намалена употреба на пестициди и точно водење на документацијата;
- Флексибилно управува со човечките ресурси;
- Користи ИКТ (интернет, е-мејл, мобилни);
- Разбира и користи информативни извори за заштита на растенијата (медиуми, списанија, ТВ, интернет и сл.).
- Применува современи практики при примена на соодветните мерки за заштита во земјоделското производство;
- Врши заштита на природните ресурси во агросферата: почва, вода, воздух, растителен и животниски свет.
- Ја познава содржината на оперативен план за заштита на растенија и заштита на производи
- Ги проценува условите за прием и сместување на средствата за заштита на растенијата
- Ги препознава промените во развитокот на културните растенија и растителните производи и појава на болести
- Ја објаснува организацијата на земјоделски аптеки
- Ги искажува правилата за продажба на препарати за заштита на растенија
- Ги опишува превентивните мерки на интегрална заштита на земјоделските култури
- Ја објаснува употребата, регулацијата, чистењето, сместувањето и чувањето на машините за заштита на растенија
- Ги познава начините на апликација на заштитните средства
- Ги објаснува мерките за заштита од економските значајни болести, штетници и плевели при органско производство на земјоделски култури
Критериуми за влез во програмата
Времетраење на програмата
| Времетраење на програма | Вкупен број на часови | Изразено во проценти |
|---|---|---|
| Теорија | 120 | 47 |
| Пракса | 120 | 47 |
| Оценување | 15 | 6 |
| Вкупен број на часови | 255 |
