Програмата КОЗМЕТИЧАР ЗА ЛИЦЕ И ТЕЛО им овозможува на учесниците преку теоретска и практична настава да се оспособат да го организираат просторот и работата во козметичкиот салон, да разликуваат типови кожа, да спроведуваат козметички постапки, да комуницираат со клиентите и соработниците. Времетраењето на програмата е 210 часа, од кои теорија 42 часа, пракса 147 часа и оценување 21 часа. Теоретскиот дел на наставата ќе се реализира во училница, кабинет опремен според соодветни технички услови, а практичниот дел во козметички салон. Оценувањето ќе се спроведува континуирано по секоја тема во тек на обуката и на крај како завршен испит. Учесниците кои со успех ќе го положат завршниот испит се стекнуваат со Сертификат за Козметичар за лице и тело по верифицирана програма. Програмата нуди можност за напредување на повисоко ниво.