Кандидатот е способен да разбира поопширни излагања дури и кога не се јасно структурирани или врските не се јасно искажани, туку само се подразбираат. Може да ги разбере телевизиските емисии и филмови без некој поголем напор. Може да разбере долги и сложени текстови засновани на факти како и литературни текстови воочувајќи ги разликите во стилот. Може да разбере стручни написи и подолги технички упатства, дури и ако не се поврзани со своето поле на интерес. Може течно и спонтано да се изразува без некој видлив напор за барање изрази. Може флексибилно и ефикасно да го користи јазикот за дружење и професионални цели. Може со прецизност да формулира идеи и мислења и вешто да се вклучи во дискусија со други соговорници. Може да даде јасни и детални описи на сложени теми, вклучувајќи разни тематики, развивајќи одредени идеи и заокружувајќи го тоа со соодветен заклучок. Може да ги изнесува своите идеи во јасен, добро структуриран текст и да давам поопширни објасненија за своите ставови. Може да пишува за сложени теми во писма, состави или извештаи, нагласувајќи го она што смета дека е важно. Може да го одбере стилот соодветен за определениот читател.