Главна цел на програмата е да се оспособат лица над 15 години самостојно да  изведуваат услуги за маникир и педикир.Програмата е прилагодена за сите кои имаат желба да се занимаваат со ова занимање на професионален начин. Програмата е со времетраење од два месеци односно 175часа и опфаќа стручно теоретски содржини кои се реализираат во училница/кабинет и се во функција на практичната обука која пак се изведува во козметички салон.Учесниците ќе стекнат знаење и умеење да подготват работен простор и работно место, да комуницираат со клиенти и со деловни партнери, да извршуваат техники на маникир и на педикир, да надградуваат и одржуваат нокти, да декорираат и да негуваат раце и нозе. Програмата во делот бизнис и претприемништво ги запознава учесниците со можностите за отворање на сопствен бизнис. Постигањата на учесниците се проверуваат тековно и на крај од програмата на завршен испит. .Учесниците кои успешно ќе го положат завршниот испит од практичниот дел се стекнуваат со Сертификат за Маникир-Педикир по верифицирана програма.а