Програмата за работно оспособување за самостојно извршување на работи и работни задачи масер терапевт за во салон за масажа, фитнес центри или за самовработување опфаќа стручни теоретски содржини со вежби кои се реализираат во посебно опремен кабинет и истите се во функција на практичната обука која се реализира во реални услови (салон за масажа, СПА центри и спортски клубови, терапевтските центри). Програмата за обуката е во времетраење од 4 месеци, односно 350 часа од кои 105 часа се теоретска настава, 210 часа практична настава и 35 часа оценување.

Учесникот по успешното завршување  на програмата ќе биде способен  да ја планира и организира својата работа,  да се грижи за личната хигиена и личното здравје и здравјето на клиентите и околината, да го познава физиолошкото дејство на масажата и дејството на масажата како терапија со индикации и контраиндикации, да разликува одделни видови на масажи користејќи ја тактилната перцепција и преостанатиот вид, да изведува масажа, да користи, познава опремата за масажа, да ги познава ефектите од примената на одделни видови на масажа, да воспоставува врска меѓу масажите, да применува професионални препарати и при изведување на масажата, да применува хигиенско технички мерки за заштита, асепси, антисепси и стерилизации, да ги познава правата и обврските од работниот однос, отварање и водење на сопствен бизнис и вклучување на пазарот на трудот, да се оспособи за професионална комуникација и соработка.

По завршување на програмата учесникот полага завршен испит со што се стекнува со сертификат за работна оспособеност за самостојна работа Масер Терапевт (за лица со оштетен вид) по верифицирана програма.