Опис на програма
Главна цел на програмата е учесниците да се оспособат за планирање и организирање на млекопроизводството, како и планирање и одгледување на молзните овци: сместување, ихрана, нега, водење на матично книговодство на стадо и основни познавања за заштита на здравјето на молзните овци. Со примена на нови технологии во млекопроизводството и при одгледување на молзните овци млекопроизводителите ќе го зголемат производството на млеко и ќе добијат млеко со подобар квалитет, кое ќе ги задоволи ЕУ стандардите за квалитет на млеко. Тоа ќе овозможи и остварување на поголема профитабилност од млекопроизводството.
Програмата ќе се реализира преку теоретска настава и практична обука, во траење од 180 училишни часа
Учесниците ќе се здобијат со Сертификат за стручна оспособеност за Млекопроизводител и одгледувач на молзни овци.
Учесниците ќе поминат низ 4 тематски целини.
Резултати од програма
- правилно го извршува молзењето на млечните овци
- применува хигиенски мерки при молзење на овците
- самостојно да ја планира и организира исхраната на молзните овци
- врши корекција на оброк, според фазата на лактација и продукција на молзната овца
- подготви соодветен оброк за овците спрема генетскиот потенцијал на овците
- чува млеко до продажба, во соодветни услови и на соодветна температура
- одржува хигиена на апарати и системи за молзење
- користи средства за лична заштита и заштита на околината
- идентификува причинители за добивање на маститис кај овците
- утврдува маститис кај млечните овци и презема мерки за нивно лекување
- толкува прописи и стандарди за квалитет на млеко
- произведува млеко според европски стандарди
Критериуми за влез во програмата
Времетраење на програмата
| Времетраење на програма | Вкупен број на часови | Изразено во проценти |
|---|---|---|
| Теорија | 36 | 20 |
| Пракса | 126 | 70 |
| Оценување | 18 | 10 |
| Вкупен број на часови | 180 |
