Програмата овозможува работно оспособување за неговател/ка на стари и немоќни лица истата е со  тримесечно времетраење, односно 340 часа  и опфаќа  стручно теоретски содржини кои се реализираат во училница/кабинет и се во функција на практичната обука која пак, се изведува во домови за сместување    или дневен престој и грижа на стари и немоќни лица.

По успешното завршување на програмата  учесникот ќе  се оспособи да ја  планира, подготвува и ја организира сопствената работа  и под надзор на стручно лице (медицинска сестра, лекар,  социјален работник) во здравствени и социјални установи и во куќи на стари и немоќни лица, да пружа основна лична нега, да следи и воочува елементарни психофизички промени кај стари лица,, да мести кревет и менува постелина на покретни и непокретни стари лица, да облекува и слекува стари и немоќни лица, да изведува лична хигиена на телото; миење, капење во када, под туш  и во кревет, перење и нега на коса, средување на нокти, да применува и променува правилна и угодна  положба  во кревет, инвалдска количка, ги разбира потребите на старите и немоќни лица и за постапките за чување на нивното здравје, да одржува хигиена  и уредност на околината, да спречува инфекции да изведува дезинфекција и стерилизација, да познава права од работен однос.  По завршувањето на програмата учесникот полага завршен испит. По успешно завршување учесникот се стекнува со сертификат Неговател/ка на стари и немоќни лица.