Програмата овозможува работно оспособување за  Негувател/ка на деца со пречки во развојот   и истата е со  тромесечно времетраење, односно 450 часа  и опфаќа  стручно теоретски содржини кои се реализираат во училница/кабинет и се во функција на вежбите и практичната обука која пак се реализра во семејства или институции во кои се згрижуваат деца со пречки во развојот, центри за дневен престој на деца со пречки во развојот,  заводи и слично.

Стручно теоретските содржини се темелат на современи научни сознанија од детските психосоцијални карактеристики, педагогијата и методиката за работа со децата со пречки во развојот. Практичната обука  се изведува преку активни вежби и практична работа во институции за згрижување на овие деца или семејства,  под менторство на негователки и воспитувачи со долгогодишно искуство во оваа дејност. Практичната обука се изведува во групи заради поголема ефикасност при реализација на планираните активности.

По завршувањето на секоја тематска целина се врши усна, писмена проверка и/или практични изведба на активности за проверка на постигнатоста на целите од програмата.

Учесниците кои со успех ќе ја завршат програмата полагаат завршен испит и  се стекнуваат со Сертификат Негувател/ка на деца со пречки во развојот