Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Главна цел на програмата за негувател/ка за стари и немоќни лица е работно да ги оспособи учесниците за стручно давање на услуги за грижа, нега и психо – социјална поддршка на стари и немоќни лица со различна здравствена состојба во здравствени и социјални установи за стари лица или слични форми на социјална заштита каде овие лица престојуваат. Ова е специјализирана програма каде учесниците ќе ги стекнат потребните компетенции преку теоретскиот и практичниот дел на посебната програма.

Програмата е со времетраење од вкупно 250 часа од кои има предвидено часови за теоретска интерактивна обука, практична обука која ќе се одвива преку вежби и активности во старски домови под менторство на негувателки, болничарки или медицински сестри кои завршиле работилница за едукатори. Распределбата на часовите ќе ја следи процентуалната застапеност на теоретски дел, практичен дел и дел за проверка на знаењата.  Преку практичниот дел од програмата се предвидува стручно-работно оспособување на учесниците за практична примена на знаењата стекнати во теоретската настава и дефинирана со курикулумот, давање професионална и соодветна нега и психо-социјална поддршка на старите и немоќни лица во здравствени и социјални установи или во домашни услови. Теоретскиот дел од наставата ќе се реализира во работните простории на Центарот за семејна медицина. Наставниот кадар кој ќе ја остварува наставата ќе ги следи пропишаните норми според Правилникот за стандарди, простор и опрема на ЦОВ.

Проверката на знаења ќе ги следи правилниците на ЦОВ, па следствено ќе постои писмено оценување, усмено оценување и практична изведба.

Учесниците во оваа програма кои со успех ќе го положат завршниот испит се стекнуваат со Сертификат „Неговател/ка за стари и немоќни лица “