Програмата има за цел учесникот да се стекне со знаења, вештини и компетенции за пружање на основни здравствени и социјални услуги во домашни услови и во специјализирани установи на лица кои поради возраста/староста или хронични болести се изнемоштени и не се во можност да се грижат сами за себе. Програмата е со времетраење од вкупно 300 часа,од кои 100 часа се теорија, 170 часа практична обука и 30 часа оценување. Теоретскиот дел ќе се реализира во опремена училница или кабинет додека практичната реализација на програмата ќе се одвива во здравствена установа или во домови за стари лица. По завршувањето на обуката учесникот ќе се оспособи да ја планира, организира и реализира сопствената работа, да им пружа на старите и изнемоштени лица основна лична нега и хигиена,да мести и менува постелнина, да ги разбира потребите на старите лица, да примети промени во здравјето и да ги извести соодветните лица.

По успешно завршување на обуката учесниците ќе се стекнат со сертификат „Негувател/ка на стари и изнемоштени лица“.