Подготвителниот курс за меѓународниот испит BULATS се фокусира темелно на структурата на тестот, видот на прашања, начинот на оценување како и на стратегиите и вештините кои се потребни за истиот.

Курсот е наменет за слушателите кои сакаат да го полагаат меѓународниот испит BULATS. На курсот тие ќе се запознаат со должината и стуктурата на тестот и како истиот се спроведува. Исто така ќе се запознаат со видовите на прашања што можат да ги добијат во секој дел од тестот и начинот на кој што ќе бидат оценувани. Дополнително, курсот ќе им помогне на слушателите да развијат соодветни стратегии и вештини коишто ќе им помогнат да го поминат тестот што е можно поуспешно.

Програмата на курсот ги разработува детално двата дела од тестот: слушање и читање. Слушателите се запознаваат детално со секој дел и преку практични вежби кои се идентични на реалниот тест ги развиваат потребните стратегии и вештини потребни за истите.