(Mk) По завршување на програмата учесникот ќе биде способен да: • ја анализира, планира, организира, изведува и контролира зададената работа; • избира потребни материјали, погонски, самоодни и приклучни машини; • рационално ги употребува материјалите, времето и енергијата; • управува различни видови погонски и самоодни машини, во различни услови и ситуации, без и со приклучна механизација; • почитува сообраќајните правила, прописи и сообраќајните знаци при управување на погонски и самоодни машини; • регулира работни делови на земјоделската механизација по длабочина, широчина и количина; • составува и комплетира агрегати од земјоделска механизација; • извршува основна и дополнителна обработка на почвата; • работи со погонски, самоодни и приклучни машини при одгледување и нега на културите во текот на вегетацијата; • извршува сеидба, ѓубрење и заштита на растенијата; • прибира земјоделските култури со користење на соодветна земјоделска механизација; • врши транспорт на земјоделски производи, репроматеријали, амбалажа, агрегати, опрема и резервни делови; • ги одржува погонските, самоодните и приклучните машини за време на работата и после завршување на сезоната; • ги применува стандардите и го контролира квалитетот на работата; • комуницира со колегите и претпоставените; • води грижа за заштита на здравјето на луѓето и околината, во согласност со техничките, противпожарните и другите мерки за заштита; • учествува и се стреми кон тимска работа.