Опис на програма
Главна цел на програмата е учесникот да стекне знаења, вештини и компетенции за примена на основните техники при изработка на елементи, констукции, полупроизводи и производи од плочест материјал нивно составување и монтирање
Начинот на реализација на програмата е преку практична и теоретска обука и води до стекнување на сертификат „Столар за изработка на мебел од плочест материјал “.Времетраењето на програмата е 240 часа од кои 60 часа теоретска обука, 168 часа се практична обука во реални работни услови и 12 часа се наменети за оценувањето. Теоретскиот и практичниот дел од програмата ќе се изведуваат од понеделник до петок. Теоретската обука се одвива во специјализирани простории во рамките на компанијата под менторство на шумарски инжинер а практичната обука во рамките на компанија за време на која на учесниците ќе им биде доделен обучувач вработен во компанијата
Програмата ќе се реализира во 6 тематски целини и тоа:
- Познавање на материјалите-10 часа
- Алати, машини и уреди за изработка на плочест мебел со заштита при работа-15 часа
- Дрвни конструкции на плочест мебел 15 часа
- Технологија на изработка и монтирање на плочест мебел 16 часа
- Претприемништво и бизнис 10 часа
- Практична настава 168 часа + 6 часа се предвидени за оценување т.е. полагање на завршен испит. Завршниот испит се полага преку практична изработка на производи пред трочлена комисија.
Целта на програмата е кандидатите да стекнат знаења и вештини да изработуваат мебел од разни видови на дрвени плочи,како што се:кујни,комоди,плакари и.тн.Програмата ќе биде реализирана од дип.инж.по Дрвна индустрија или дип.инж. за Дизајн и технологии на мебел и ентериер. Вреднувањето на постигнувањата на учесниците се спроведува по завршувањето на теоретскиот дел преку проверка на знаење со тест после теоретската обука а по завршувањето на практичната обука следи и завршен испит преку кој ќе се дефинираат стекнатите вештини и компетенции. По успешно положен завршен испит учесниците се стекнуваат со сертификат..Столар за изработка на мебел од плочест материјал“.
Резултати од програма
- чита и изработува работната документација;
- определува постапката за индивидуална изработка на елементи,конструкции,полупроизводи и производи од плочест материјал;
- мери и означува плочести материјали;
- изработува елементи,конструкции,полупроизводи, производи од плочест материјал;
- обработува површински елементи,конструкции, полупроизводи , производи од плочест материјал;
- составува и монтира полупроизводи и производи од плочест материјал;
- одржува и врши поправки на производите од плочест материјал;
- пополнува и да пресметува технолошка документација за производот:
- набавува основен и помошен материјал и да врши продажба на готовиот производ;
- контролира материјали, производи и своја работа;
- применува потребни основни и помошни материјали;
- прима, класифицира и складира материјал;
- ракува со машини, уреди и алати за изработка и монтажа на плочест мебел;
- применува прописи и заштитни мерки за лична и колективна заштита
- подготвува плочи за кроење;
- кантира искроени елементи;
- врши дупчење на елементите;
- изработува профили на елементите;
- избира конструктивни елементи за составување;
- го контролира квалитетот на обработените елементи,
- изработува и монтира корпусен мебел од оплеменети плочи,
- поставува оков кај финални производи;
Критериуми за влез во програмата
Времетраење на програмата
| Времетраење на програма | Вкупен број на часови | Изразено во проценти |
|---|---|---|
| Теорија | 60 | 25 |
| Пракса | 168 | 70 |
| Оценување | 12 | 5 |
| Вкупен број на часови | 240 |
