Опис на програма
Главна цел на програмата е учесникот да стекне знаења и вештини, компетенции за примена на основните техники на фризерството, како и правилно користење на фризерскиот алат, опремата, препарати и инвентар.
Начинот на реализација на програмата е преку теоретска настава и практична обука и води до стекнување на сертификат за фризер за жени и мажи.
Времетраењето на програмата е 150 часа од кои 25 часа се стручна теорија, 115 часа се практична обука во реални работни услови и 10 часа се наменети за оценувањено. Програмата ќе се изведува неколку пати неделно во договор со учесниците на програмата.
Програмата нуди можност за напредување на повисоки нивоа-курсеви за фризерство (Напреден курс и Специјализиран курс).
Резултати од програма
По завршување на програмата учесникот ќе биде способен да:
- организира прием на клиентот во салонот,
- идентификува средства за нега на коса,
- разликува методи за одредување на статусот на косата,
- индентификува и правилно користи приборот и средствата за работа,
- избира средства за миење на косата,
- мие коса
- изведува различни техники на масажа на скалп,
- користи основните техники на фенирање, боење, шатирање, бланширање и боење со фолии,
- применува техники за виткање на коса,
- користи основните техники на шишање на долга, средна и кратка коса,
- плете плетенки,
- развива одговорност при работа и интерес за доживотно учење.
- применува прописи за заштита при работа и заштита на животната средина.
Критериуми за влез во програмата
Основно ниво на образование: основно образование и возраст од најмалку 15 години.
Пожелно ниво на образование: тригодишно или четиригодишно образование (од било која струка).
Времетраење на програмата
| Времетраење на програма | Вкупен број на часови | Изразено во проценти |
|---|---|---|
| Теорија | 25 | 20 |
| Пракса | 115 | 73 |
| Оценување | 10 | 7 |
| Вкупен број на часови | 150 |
0 STUDENTS ENROLLED
