Главна цел на програмата е учесникот да стекне знаења, вештини и компетенции за занимањето шминкер.

Начинот на реализација на програмата е преку практична и теоретска обука и води до стекнување на сертификат „Шминкер“. Програмата е изготвена врз основа на стандард на занимање со кое се стекнува преку стручно теоретски содржини кои ќе се реализираат во опремена училница, просторија и практична обука која ќе се реализира во салон за шминкање. Програмата дава можност учесникот во програмата да ja организира сопствената работа, да  го подготвува салонот и клиентот за шминкање, да советува клиенти,  подготвува и изведува целна и специјална шминка, шминка на тело и лице за целна и специјална шминка,  комуницира со клиентите, води грижа за сопствената безбедност и безбедноста на клиентот, како и за здравјето и околината, води евиденција и подготвува пресметки за работата.

Времетраењето на програмата е 220 часа вкупно од кои 44 часа теоретска обука, 154 часа се практична обука и 22 часа оценување.

Вреднувањето на постигнувањата на учесниците се спроведува по завршување на теоретскиот и практичниот дел на обуката со проверка на стекнати знаења, вештини и компетенции. По успешно положен завршен испит учесниците се стекнуваат со сертификат „Шминкер“.

Програмата  дава можност за напредување во други програми од повисоко ниво на ова занимањa.