Главната цел на програмата е организирано образование, усовршување и оспособување на учесниците во програмата за самостојно и квалитетно изведување на работните задачи во занимањето Козметичар за нега на лице и тело.

Програмата се состои од 195 часови, се реализира преку теоретски дел од 60 часови, практичен дел 120 часови и 15 часови за оценување.

Теоретската настава се реализира во училница со современи наставни помагала преку предавања, дискусии, решавање на проблеми,  со кој учесниците во програмата се здобиваат со потребните знаења предвидени во содржината на тематските целини кои се составен дел од програмата.

Практичната настава се спроведува преку демонстрирање на употребата, како и практична примена на опремата, апаратите и козметичките препаратите на работа на случај, применувајќи ги третманите кои се опфатени во оваа програма.

Проверката на знаењата (оценувањето) се одвива континуирано во текот на реализација на обуката и на крајот од обуката со завршен испит.

Програмата за Козметичар за нега на лице и тело е во времетрање од 3 месеци.

Програма ја спроведуваат: доктор на медицина, дипломиран економист и козметичар со минимум три години работно искуство во дејноста.

Теоретската настава ќе се спроведува во училница, а практичната настава ќе се спроведува во козметичко студио.

Теоретскиот дел од испитот се состои од проверка на знаењето од тематските целини кои се составен дел на програмата за обука. Практичниот дел од испитот подразбира демонстрирање на работа на случај самостојно.

Кога ќе го положат завршниот испит, лицата ќе се здобијат со сите потребни компетенции, вештини и знаења за извршување на занимањето Козметичар за нега на лице и тело ќе им се издаде сертификат за „Козметичар за нега на лице и тело“.