Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Основна цел на програмата е да се оспособат лица над 15 годишна возраст да изведуваат конфекциски услуги, односно да шијат. Програмата е предвидена за сите кои имаат желба да се занимаваат со ова занимање на професионален начин односно сакаат да се појават или веќе се на пазарот на труд со афинитети кон моделарството. Истата овозможува работно оспособување за изведување на конфекциски услуги, односно шиење на основни модели на здолниште, панталони, блуза и постелнина. По успешното завршување на програмата учесникот ќе се оспособи да ја подготвува и ја организира сопствената работа, да комуницира со клиенти и соработници, да шие основен модел здолниште, панталони блуза и постелнина. Теоретската настава и писмените проверки на знаења ќе се реализираат во училница, додека практичниот дел и практичните проверки на знаења ќе се спроведуваат во конфекциски работилници.
Програмата е со времетраење од 260 часа и опфаќа 46 часа стручно теоретски содржини кои се реализираат во училница/кабинет и се во функција на практичната обука која пак се изведува во конфекциски работилници со претходно склучен договор за соработка и опфаќа 186 часа. 28 часа се предвидени за оценување и проценка на стекнатите компетенции.
Програмата ќе биде реализирана преку 9 тематски целини. По секоја тематска целина и тековно ќе се врши проверка на стекнатите знаења и вештини преку писмен тест и практична демонстрација. По завршувањето на програмата ќе биде спроведен завршен испит пред тричлена комисија, по чие успешно полагање се издава сертификат за работно оспособување за занимањето Шивач на основени конфекциски модели и постелнина.
Во текот на реализација на програмата ќе се води портфолио за секој кандидат со цел следење на напредокот на кандидатите. Стекнувањето на теоретска основа и позитивна оценка ќе биде предуслов за започнување на реализацијата на практичниот дел од обуката.
Програмата ќе биде реализирана од страна на наставници со завршени студии по

-конфекциско инжењерство
-текстилно инжињерство
-дизајн и инжинеринг на облека
-технолог-текстилна насока
Моден дизајн и/или мајстор шивач со работно искуство за реализација на практична настава.