Покрај основните работни задачи, учесниците ќе се обучат и како да ја чистат и проверуваат опремата пред и по употреба, како да ги подготвуваат и расчистуваат површините за послужување на кафе, напитоци и пијалaци, да ги применуваат прописите за одржување на хигиена и заштита при работа и да ги почитуваат ХАССАП стандардите, применувајќи мерки за здравје, безбедност и заштита при работа и заштита на животната средина. Исто така, учесниците ќе се обучат и стекнат комуникациски способности за комуникација со корисниците на услугите, љубители на добро кафе, комбинирано кафе, пијалаци и напитоци, приготвени од бариста според утврдени стандарди и норми за приготвување на соодветен угостителски начин.