Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Програмата има за цел да овозможи на учесниците да се стекнат со знаења и вештини, односно компетенции од областа на дигиталниот маркетинг.

Со реализирање на Програмата учесниците ќе имаат компетенции да:

– подготвуваат околина за развивање на маркетинг стратегија (собираат потребни материјали и ресурси, отвораат сметки на различни платформи и софтверски алатки);

– креираат предлог за изгледот на веб страната според последни трендови на пазарот, со цел привлекување на потенцијални клиенти;

– прибираат лидови или потенцијални потрошувачи преку различни маркетинг методи;

– манипулираат со оптимизацијата на веб страните (on site и off site) со цел да го подигнат рејтингот на веб страните на пребарувачите како што се Google, Bing, Yahoo;

– водат веб аналитика односно статистика на веб страна и прибираат резултати и извештаи од истата;

– прибираат емаил адреси и креираат кампањи на платформите за овој тип на маркетинг, односно емаил маркетинг кампањи;

– дефинираат начин за креирање и одржување на кампањи за рекламирање на социјалните медиуми, како што се Facebook, Instagram, Twitter и LinkedIn;

– креираат и поставуваат платени реклами на пребарувачите и социјалните медиуми и

– користат блог и блог постови со цел да се дојде до поголема маса на потенцијални клиенти.