Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Програмата “Курс за самодоверба 3” е насочена кон оспособување на лицата за личен раст и развој, за зголемување на свесноста и препознавање на сопствените капацитети, за развивање на свесност и контакт со себе, развивање комуникациски вештини со другите, поголема самоподдршка, поголема верба во сопствените капацитети и искористување на сопствените капацитети на професионално ниво.
По успешно завршување на програмата учесникот ќе се оспособи да: се осознае самиот себеси, да применува вештини во комуникација со другите во заедницата и на работното место, да научи да толерира и културно да се однесува, да се почитува себе и да ги почитува другите, да се изложува и презентира според сопствените компетенции и стручност.
Стекнатите вештини ќе им помогнат да стекнат сигурност во себе, да веруваат во себе и да умееат да се изложат на пазарот на трудот, според своите компетенции и професионалност.
Во реализација на програмата ќе се применуваат современи наставни методи и техники специфични од областа на советување и комуникација, кои ќе му овозможат на кандидатот континуирана и искуствена активност во текот на целокупното траење на обуката.
Оценувањето на постигањата на кандидатите ќе се врши преку следење и вреднување на знаењата и умеењата во текот на целата обука, усно, писмено, практична изведба и на завршниот испит.
Структурата на оваа програмата е следна: стручно-теоретски дел, практична обука во група, проверка на постигањата на кандидатите, самоевалуација.
Наставата ќе се одвива во специјализирана предавална со потребната опрема според Норматив за простор, опрема и наставни средства.
Стручно- теоретски дел од обуката: наставен кадар со завршени студии по психологија, специјалистичка посдипломска обука од областа на психотерапија со лиценца акредитирана од евроски тренинг инситут.
Практичен дел од обуката: наставен кадар со завршени студии по психологија, специјалистичка посдипломска обука од областа на психотерапија со лиценца од Комората на психолози на РМ како и акредитиран сертификат од евроски тренинг инситут.
Кандидатот кој успешно ќе ја заврши обуката се здобива со сертификат.
Времетраењето на програмата е 50 наставни часа.
Програмата нуди можност за напредување на повисоки нивоа-советувач.
Учесникот ќе се стекне со знаења, вештини и ќе биде оспособен да: биде со поголема сигурност во себе, да верува во себе и да умее да се изложи на пазарот на трудот, со сигурност да ги покаже  своите компетенции и професионалност, да има добра комуникација и со себе и со другите, да знае да толерира и комуницира, да се справува со конфликтни ситуации.