Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Образовниот систем често соодветно не може да одговори на потребите на невработените и пазарот на трудот и заради тоа е потребна одредена дообука, особено на лица кои се невработени и со понизок степен на образование. Оваа програма на учесниците ќе им обезбеди сигурна работна атмосфера каде отворено и интерактивно со другите учесници секој посебно ќе ги подигне личните и професионални вештини за вработување и градење на понатамошна кариера.

Вработувањето е процес кој бара редовно информирање и следење на информациите кои се достапни и кои се насочени да ги упатат невработените во барањето работа. Програмата е поделена во два модула.

Модул 1 „Основни лични и професионални вештини“

Овој Модул ќе им овозможи на учесниците да научат и да ги подигнат своите вештини за пишување Писмо за интерес, пишување на лична биографија (ЦВ), како се пишува мотивациско писмо, техники на интервју и вежбање преку преку симулирани интервјуа.

Модул 2 „Кариерен план„

Овој модул ќе се осврне на проблематиката што е тоа работа а што кариера, како да се напредува во кариерата, ќе се работи на подобрени комуникациски вештини, способност за слушање и подигнување на нивото на професионалност во работата.

Програмата е превидено да трае 30 часа и ќе се одвива со користење на неформални методи и размена на знаења како од обучувачот така и од учесниците.

Со завршувањето на Програмата учесниците ќе бидат поконкурентни на пазарот на трудот.