Sorry, this entry is only available in Macedonian. For the sake of viewer convenience, the content is shown below in the alternative language. You may click the link to switch the active language.

Програмата содржи вкупно 200 часа од  кои 48 теорија, 132 пракса и 20 часа проверка на стекнатите знаења. Теоријата и писмените проверки на знаење ќе се реализираат во Приватната образовна установа – Отворен граѓански универзитет за доживотно учење – Ванчо Прќе во Штип, а практичниот дел ќе се изведува во угостителски објекти со кои установата склучува договор за соработка.

Програмата е наменета за работоспособни лица со завршено минимум основно образование не помлади од 18 години кои сакаат да се вработат или веќе се вработени како послужувачи во разни угостителски објекти.

Бројот на една група кандидати ќе зависи од просторните можности, но се препорачува да не изнесува повеќе од 12 учесници.

Преку програмата за работа за УГОСТИТЕЛ – ПОСЛУЖУВАЧ  учесниците низ теоретска и практична настава ќе се запознаат со организација на работа во ресторан, со организацијата на работниот простор, со заштита и безбедност при  работа и здравје, со опремата и инвентарот – намена и начин на одржување, ќе се научат да ракуваат со приборот,  алатите, опремата и средствата, ќе се запознаат со стручната терминологија, со работните задачи, а низ практични часови ќе научат самостојно да работат и да ги совладаат сите вештини од областа на послужувањето, како што се: Увод во послужување и негов историски развоИсто така учесниците ќе се оспособат за самостојно организирање и извршување на разни видови послужувања во различни видови на угостителски објекти. Тие исто така ќе бидат подготвени да организираат разни видови на послужување надвор од ресторани како што се: Ланч пакет – пикник, разни коктел партии, чајанки, пансионско послужување, послужување по катови и слично.

Во наставата ќе бидат применети следните методи: предавања, дискусии во групи, набљудување, учење насочено кон решавање проблеми и практична настава во угостителски објект. Програмата ќе биде реализирана од професор и стручњак од областа на послужувањето. Програмата ќе биде подложна на внатрешна евалуација. Ќе бидат спроведени две анкети: една на почетокот и една на крајот од програмата. Анкетите ќе бидат спроведени во форма на писмени прашалници а на крајот ќе биде изготвен финален извештај од резултатите на анкетите. На крајот од завршената обука кандидатите кои ќе добијат долен праг од 60% според методите на оценување ќе добијат соодветен документ – СЕРТИФИКАТ за Угостител-Послужувач.