Опис на програма
Главната цел на програмата е кандидатите да се стекнат со знаење и вештини потребни за работа во финансискиот сектор и општото благајничко работење. Учесниците во теоретскиот дел ќе бидат запознаени со правилна имплементација на законската регулатива која го уредува готовинското денарско и девизно финансиско работење со посебен акцент на пресметка, исплата и евиденција, како и стекнување на практично знаење за правилна имплементација на одредбите од поврзаните закони и подзаконски акти.
На крајот на успешно реализираната обука кандидатите ќе се стекнат со Сертификат за Вештини за финансиско работење.
Обуката ќе се состои од два дела, теоретски предавања и практична работа, во траење од 70 училишни часа.
Резултати од програма
По завршување на програмата учесникот ќе биде способен да:
- Објаснува суштина на финансиско работење
- Подготвува обрасци за исплата;
- Врши готовински и безготовински плаќања;
- Работи со главна, помошна и девизна благајна;
- Работи со денарска благајна за материјални и патни трошоци;
- Води дневник на благајна, каса прими и каса исплати;
- Прима готови пари и подига девизи во девизна благајна;
- Врши фискална наплата и евиденција на дневен промет;
- Пресметува патни налози и исплата на средства по истите;
- Пресметува плата со сите нејзини составни делови.
Критериуми за влез во програмата
Кандидати со завршено средно образование ( квалификациите / образовните профили од економско правно и трговска струка/сектор економија,право и трговија се сметаат за предност).
Кандидатите треба да бидат постари од 17 години.
Времетраење на програмата
Времетраење на програма | Вкупен број на часови | Изразено во проценти |
---|---|---|
Теорија | 20 | 29 |
Пракса | 45 | 64 |
Оценување | 5 | 7 |
Вкупен број на часови | 70 |
0 STUDENTS ENROLLED