Кандидатот е способен да разбере фрази и најчесто употребувани зборови кои се од непосредно значење за себе лично (на пр. основни лични податоци и податоци за семејството, за пазарување, блиската околина, работното место). Може да ја сфати суштината на кусите, јасни, едноставни пораки и соопштенија. Може да чита многу куси, едноставни текстови. Може да најде конкретни и предвидливи информации во едноставни секојдневни материјали (на пр. огласи, проспекти, листи на јадења и распореди); и може да разбере куси, едноставни лични писма. Може да комуницира во едноставни и секојдневни ситуации што бараат едноставна и директна размена на информации за познати теми и активности. Може да учествува во многу куси секојдневни разговори, иако обично не разбира доволно за да може самостојно да ја продолжи конверзацијата. Може да користи низа фрази и реченици за да ги опише на едноставен начин: своето семејство, другите луѓе, животните уолови, своето образование и својата сегашна или последна работа. Може да пишува куси, едноставни белешки и пораки. Можа да напише многу кусо лично писмо (на пр. да се заблагодари некому за нешто).