Основната цел на програмата козметичар за нега на лице и тело е стручно оспособување на кандидатите од областа на козметиката и нивно самостојно работење во дејноста. Содржините од теоретскиот дел од програмата ќе се реализираат во училница – кабинет во просториите на Отворениот граѓански универзитет, а практичниот дел ќе се реализира во опремен козметички салон. Програмата содржи 240 часа и истата ќе се реализира во четири месеци. Самата програма е прилагодена според изготвен стандард на занимање
Обуката ќе се реализира преку форми на предавање, дискусии во група, демонстрирање и набљудување со коментари и анализи, вежбање, користење на претходно стекнати знаења и практични методи меѓусебни изведби кај самите учесници во групата.
После секоја тематска целина ќе има проверка на знаењето преку усна проверка, писмена проверка и практична изведба а на крајот од програмата завршен испит и по успешно совладување на материјата учесникот ќе се стекне со сертификат за козметичар за нега на лице и тело.
За реализирање на програмата ќе биде ангажирано лице со завршени студии по медицина и мајстор – козметичар со најмалку пет години работно искуство во занимањето козметичар.
Програмата дава можност за хоризонтална проодност учесникот да може да премине и во друга сродна образовна програма (пр, маникир и поедикир) и вертикална проодност напредување во програми од повисоко нивно од занимањето