Програмата овозможува работно оспособување на учесникот за самостојнa работа Козметичар за нега на лице и тело, и истиот ќе може да работи  во козметички салон, или да се самовработи. Програмата е со шест месечно времетраење односно, 750 часа и опфаќа  стручно теоретски содржини кои се реализираат во училница/кабинет и се во функција на практичната обука која пак се изведуваат во реални услови, салон за козметика на лице и тело.  Во обуката се применуваат  активни методи на обука;предавања, дискусии во група, учење преку симулации, учење насочено кон решавање на проблеми, практична работа, обука на работно место, со примена на професионалнен алат и средства за работа. Во текот на обуката по секоја тематска целина се врши усна, писмена проверка и практична работа за постигнатоста на целите. Стручно теоретската настава ја реализираат наставници со завршено студии по медицина, специјалист дерматолог, наставник по бизнис и претприемништво со искуство. Практичната настава  ја реализираат успешни занаетчии реномирани во својот занает, мајстори со искуство во занаетот. По завршување на обуката,  учесникот полага завршен испит. Завршниот испит се полага пред комисија, со избор на задача, образложение на истата, практична работа и калкулација на цена на чинење на услугата. Учесникот кој со успех ќе го заврши завршниот испит  се добива Сертификат за стручна оспособеност за занимање  Козметичар за нега на лице и тело по верифицирана програма.