Програмата „Масер за козметичка, Велнес и спа масажа “ е насочена кон стручно оспособување на учесниците за самостојно извршување работни задачи масер за козметичка масажа во салон за масажа, велнес и спа центри. Стекнатите вештини ќе им помогнат на учесниците полесно вработување, отварање на сопствен бизнис и конкурентност на пазарот на трудот. Структурата на програмата е следна: стручно-теоретски дел, практична обука и проверка на постигањата на кандидатите (завршен испит). Времетраење на програмата е 300 часа.

Стручно-теретскиот  дел од обуката ќе се реализира во училница-кабинет, опремен според правилник  за стандарди за просторот и опрема. Теоретскиот дел од обуката ќе го реализира наставен кадар со завршени студии по медицина и економија.

Практичниот дел од обуката ќе се реализира во просторија за масажа, опремена според правилник  за стандардите за просторот и опрема.. Практичниот дел обуката ќе го реализира масер со работно искуство.

Третиот дел од програмата е проверка на постигањата на учесниците или завршниот испит.

По успешно завршување на програмата учесникот ќе се оспособи да: организира простор и работа во салонот, применува санитарно технички норми за спроведување на оваа дејност, подготвува работно место и  клиент за третман, спроведува третмани на масажа на тело, спроведува мерки за заштита на работна и животна средина, комуницира, соработува во тим, учи доживотно и се усовршува, развива претприемачки вештини.

Стекнатите вештини ќе им помогнат на учесниците полесно вработување и конкурентност на пазарот на трудот. Во реализација на програмата ќе се применуваат современи наставни методи, кои ќе им овозможат на учесниците континуирана активност за целокупното траење на обуката.

Оценувањето на постигањата на кандидатите ќе се врши преку следење и вреднување на знаењата и умеењата во текот на целата обука, усно, писмено, практична работа и на завршниот испит.

Учесникот кој  успешно ќе ја заврши обуката се  здобива со сертификат за стручна оспособеност по верифицирана програма „Масер за козметичка, Велнес и спа масажа“. Програмата нуди можност за напредување на повисоки нивоа, курсеви од областа на масажата.