Програма за обука на Oператор со универзална глодалка.

Главна цел на програмата е кандидатот по спроведување на програмата да се стекне со знаења ,вештини и компетенции за примена на основните техники при обработка на металите,како и правилно користење на опремата и инвентарот на машината универзална глодалка.

Со цел да се реализира  програмата,кандидатот треба да ја помине обуката преку теоретски и практичен дел.

Времетраењето на програмата е 260 часа  од кои 52 часа теоретска обука, 195 часа се практична обука во реални работни услови и 13 часа се наменети за оценувањето.

Теоретскиот дел од програмата ќе се изведува два пати неделно во договор со учесниците,а практичниот дел ќе се изведува од понеделник до петок.Теоретската обука ќе се одвива во просторија пренаменета за теоретска обука во рамки на административниот дел на компанијата, под менторство на Дипломиран Машински Инженер.Практичната обука  ќе се одвива во првата хала т.е.машинското одделение на компанијата, под менторство на  Раководителот на машинскиот оддел.

Вреднувањето на постигнувањата на учесниците  ќе се спроведува по завшување на теоретскиот дел   преку проверка на постигнатото со цел споредба на знаењата пред и после теоретската обука, а по завршување и на практичната обука следи и завшен испит преку кој ќе се дефинираат стекнатите вештини и компетенции.По успешно положен завршен испит кандидатот се стекнува со сертификат.