Главната цел на програмата е учесниците да се стекнат со знаење, вештини и компетенции за помошник готвач во угостителски објект. Програмата ги опфаќа сите помошни работи и техники на готвење. Оваа програмата овозможува работно оспособување за Помошник готвач во угостителски објект и опфаќа  стручно теоретски содржини и практичната обука.

По успешното завршување на програмата  учесникот ќе  се оспособи самостојно да изготвува помошни работи во кујната, да ја  подготвува и  организира својата работа, врши подготовка и приготвува прехранбени продукти во различни видови готварски производи, супи и  чорби, основни сосови и  фондови, варива и гарнири, салати, да работи во согласност со нормативите, да извршува работите во согласност со прописите за заштита на работната средина и околината, да ги познава правата од работен однос, комуникација со соработници и сл.