Главна цел на програмата е учесникот да стекне знаења, вештини и компетенции за примена на основните техники при изработка на одреден тип на ѕид, кровна конструкција како и правилно користење на опремата и алатот за изработка на истата.
Начинот на реализација на програмата е преку практична и теоретска обука и води до стекнување на сертификат за работна оспособеност „Ѕидар“.
Времетраењето на програмата е 220 часа од кои 50 часа теоретска обука, 160 часа се практична обука во реални работни услови и 10 часа се наменети за оценувањето. Теоретскиот дел од програмата ќе се изведува неколку пати неделно во договор со учесниците, а практичниот дел ќе се изведува од понеделник до петок. Теоретската обука се одвива во специјализирани простории во рамките на компанијата, под менторство на овластен инженер, а практичната обука на терен во рамките на компанијата за време на која на учесниците ќе им биде доделен ментор вработен во компанијата.
Вреднувањето на постигнувањата на учесниците се спроведува по завршувањето на секоја тема од теоретскиот дел преку проверка на знаење со цел споредба на знаењето пред и после теоретската обука, а по завршувањето на практичната обука следи и завршен испит преку кој ќе се проверуваат стекнатите вештини и компетенции. По успешно положен испит преку практична изведба на крајот од обуката, учесниците се стекнуваат со сертификат за работна оспособеност „Ѕидар“.