Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата ВУЛКАНИЗЕР  И  БАЛАНСЕР овозможува работно оспособување на учесникот односно стекнување на знаења, вештини и компетенции за самостојно ракување со потребните машини, опрема и алати на работното место. Учесникот да се оспособи да планира и организира работа со дигалки, машини за монтирање и демонтирање на гуми од бандажи и машини за балансирање на тркала, ракува со пегла за лепење на гуми и пневматици, користи стручна литература и упатства за квалитетни извршување на работата, пополнува документација и работни налози, се грижи за безбедноста при работа, здравјето и заштитата на работната околина.

Програмата преку предвидената реализација на практичната и теоретската обука води до стекнување на Сертификат – „ ВУЛКАНИЗЕР  И  БАЛАНСЕР “. Програмата е со времетраење од 120 часа од кои 30 часа теоретска настава и 90  часа се практична настава. Теоретската настава се одвива во училници или кабинети, а практичната обука ќе се изведува во реални услови – работилница опремени со потребната опрема, машини и алат.
Вреднувањето на постигањата на учесниците во програмата ќе се реализира преку тест  по завршување на  првиот модул и завршен испит  кој се состои од теоретски и практичен дел, по завршување на втриот модул.
Теоретскиот дел од завршниот испитот се состои од проверка на знаењата, вештините и способностите кои се составен дел од програмата за обука. Практичниот дел од испитот подразбира практична проверка на стекнатите знаења од вулканизирање и балансирање на тркала од моторни возила. По успешно положениот завршен испит учесникот се стекнува со сертификат – ВУЛКАНИЗЕР И БАЛАНСЕР.