Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Главна цел на програмата е учесникот да стекне знаења, вештини и компетенции за управување со виљушкар и манипулација со различни видови стоки.

Времетраењето на програмата е 180 часа од кои 40 часа теоретска обука, 124 часа се практична обука во реални работни услови и 16 часа се наменети за оценувањето. Теоретската обука се одвива во училници и кабинети со потребна современа опрема за изведување на наставата. Практичната обука се изведува во работилница со соодветен простор за изведување на обуката.

Учесникот со програмата ќе се оспособи да планира, организира и извршува работни задачи за транспорт на стока со различни видови виљушкари, рационално да ги користи опремата и времето, да комуницира со претпоставените и корисниците на услуги, да ги почитува правилата и прописите во внатрешниот транспорт; да ги одржува во исправна состојба виљушкарите; да чита ознаки на амбалажата на стоката; да води и издава потребна документација за изведените работи, квалитетно да ги извршува работите и да одговара за нив, да применува правила за безбедност при работа, здравјето и лична заштита и заштитата на работната околина, да ги познава правата од работен однос и можности за отварање и водење на мал бизнис.

Вреднувањето на постигнувањата на учесниците се спроведува по завршувањето на теоретскиот дел преку проверка на знаењата со тест, а по завршувањето на практичната обука следи и завршен испит преку кој ќе се дефинираат стекнатите вештини и компетенции.

По успешно положениот завршен испит учесниците се стекнуваат со сертификат „Ракувач на виљушкар“.