Sorry, the content of this page is available only in Macedonian. For the sake of viewer convenience, the content is shown below in the alternative language. You may click the link to switch the active language.

Програмата Ревит Техничар е насочена кон стручно оспособување на кандидатите од областа на техниката и ги опфаќа сите дисциплини кои учествуваат во процесот на високоградба, како што се архитектура, градежништво, електротехника, термотехника, хидротехника и уште многу други дисциплини.

Целта на програмата е преку теоретска и практична работа да ги обучи кандидатите за да можат активно да се вклучат во изработка на проектите во БИМ технологијата. Стекнатите вештини ќе им овозможат на кандидатите поголема конкурентност и полесно вработување на полето на БИМ технологијата која има исклучителна перспектива и услови на зголемена побарувачка на вакви кадри.

Оценувањето на постигањата на кандидатите ќе се врши преку следење и вреднување на знаењата и умеењата во текот на целата обука, практична изведба и на меѓународни испити.

Кандидатот кој успешно ќе ја заврши обуката и ги положи предвидените испити, ќе се стекне со сертификат за владеење на компјутерски вештини во Autodesk Revit –  Autodesk Certified User

1. Autodesk Revit 2018 – Основи за архитектура во 40 часа
2. Autodesk Revit 2018 – Основи за градежништво во 40 часа
3. Autodesk Revit 2018 – Основи за термотехника, електротехника и хидротехника во 40 часа
4. Autodesk Revit 2018 – Основи за пејсажна архитектура во 40 часа

Секој модул е составен од десетина поглавја системски структурирани во теоретска настава и практични вежби на даден проект, со што кандидатите ќе започнат со практично да го користат Ревит програмот уште од првиот час.

мата е предвидено да трае 2-3 месеци, односно ќе се испорачаат 160 школски часа.

Програмата нуди можност за напредување на повисоки нивоа-курсеви за вклучување на пазарот на труд и вработување во фирма или хонорарно.

Во реализација на програмата ќе се применуваат современи наставни методи, кои ќе му овозможат на кандидатот континуирана активност за целокупното траење на обуката. Секоја наставна единица е поткрепена со специјално изработени вежби согласно официјалната програма на Autodesk и официјална литература во најновите верзии на Autodesk Revit Architecture Fundamentals, Autodesk Revit Structure Fundamentals, Autodesk Revit MEP Fundamentals, Autodesk Revit Landscape Architecture Fundamentals.

Наставата ќе се одвива во специјализирана компјутерска предавална со потребната опрема, а секој посетител работи самостојно на компјутер со потребните Autodesk софтвери за дизајнирање.

Обуката ја изведуваат сертифицирани инструктори на професионално ниво во владеење на Autodesk софтверите за дизајнирање.