Главна цел на програмата „АРГОН ЗАВАРУВАЧ“е учесникот да стекне знаења, вештини и компетенции за постапката уреди и опрема за МИГ заварување, параметрите за МИГ заварување и техниката на работа, улогата на заштитниот гас, постапката уреди и опрема за ТИГ заварување, параметрите за ТИГ заварување и техниката на работа, примена на мерки за заштита при работа, пружање на прва помош вослучајнаповредаилидугвиднанезгода и навремена евакуација во случајна опасност, правилен избор на потребниот алат и прибор и инструменти за работа, ракување со опремата, практична употреба и работа со алатките, опремата, инструментите и др..

Начинот на реализација на програмата е преку практична и теоретска обука да им овозможи на учесниците да се стекнат со сертификат „АРГОН ЗАВАРУВАЧ“.

Времетраењето на програмата е 3 месеци со вкупно 250 часа од кои 75 часа теоретска обука, 160 часа се практична обука во реални работни услови и 15 часа се наменети за оценувањето. Теоретскиоти практичниот дел од програмата ќе се изведува неколку пати неделно, однапред договорено со учесниците во програмата. Теоретската обука се одвива во специјализирани простории во компанијата под менторство на овластен обучувач, а практичната обука на терен во индивидулани механичарски работилници, работни организации и други институции и организации кои вршат услуги со заварување. За време на практичната обука на учесниците ќе им биде доделен ментор, вработен во компанијата.

Вреднувањето на постигнувањата на учесниците се спроведува по завршувањето на секоја тематска целина преку усна и писмена проверка, после целосна реализација на сите тематски целини преку проверка на знаење со цел споредба на знаењето пред и после теоретската обука. По завршувањето на практичната обука следи и завршен испит преку кој ќе се проверуваат стекнатите вештини и компетенции. По успешно завршена практична задача на крајот од обуката, учесниците се стекнуваат со сертификат за работна оспособеност„АРГОН ЗАВАРУВАЧ“.